Google ADS

Osmani: Serbia duhet ta dijë se do të përballet me një popull të gatshëm për të mbrojtur lirinë me çdo kusht

14:51 | 1 Tetor 2023
E.H

Presidentja e Kosovës, Vjosa Osmani, ka folur për sulmin terrorist në Banjskë të Zveçanit ku u vra rreshteri Afrim Bunjaku, dhe u lënduan tre polic të tjerë.

Osmani në një intervistë për La Repubblica ka thënë se Serbia më 24 shtator ka kryer akt agresioni dhe se po përgatitet të kryejë një tjetër, duke dërguar ushtrinë afër kufirit, transmeton Arbresh.info.

Osmani ka thënë se kjo është e paprecedentë.

Mes tjerash, presidentja ka shtuar se Serbia duhet ta dijë se do të përballet me një popull që është i gatshëm me mbrojt lirin me çdo kusht

“Ka prova të pakundërshtueshme. Serbia ka kryer një akt agresioni më 24 dhe po përgatitet të kryejë një akt tjetër duke forcuar forcat e armatosura dhe artilerinë në kufirin me Kosovën. Është diçka ndryshe nga ajo që kemi parë në 25 vitet e fundit, e paprecedentë”, ka deklaruar presidentja Osmani

Tutje, ajo ka thënë se me armët ruse Vuçiq po mendon aneksimin sipas modelit të Krimesë.

Shpërndaje në rrjete sociale

Lajmet më të lexuara

Të ngjashme

Foto lajm